«Умар Хайём» (қаттиқ муқова)

Умар Хайём ҳақида дунё микёсида жуда кўплаб илмий ва бадиий асарлар яратилган. Уларнинг муаллифлари шоирни турлича талкин килишган ва кўпчилиги уни дахрий, осий инсон сифатида тасвирлашган. Бунинг исботи учун эса рубоийларини асос килиб олишган. Айникса, «Ҳужжатул Ислом» номини олган буюк илоҳиётчи олим Абу Ҳомид Ғаззолийни, Умар Хайёмдек бетакрор шоир ва олимга карама-қарши куйганликлари мени кўп изтиробга соларди. Бу икки зотнинг адоватга бориб, майда-чуйда нарсаларга ўралашиб колганликларига мутлако ишонгим келмасди. Ушбу асардаги менинг асосий «янгилигим» - Хайём ила Ғаззолийни дўстлаштирдим, шоирнинг шеърларини янгича талқин этишга уриндим. Чунки бу менинг Хайёмим, менинг тасаввуримдаги Хайём! Уни қандай қабул қилиш эса ўзингизга ҳавола. Шуниси аниқки, дунёда буюк бир сирли оралик мавжуд. Бу ораликни ҳамма ҳам пайқайвермайди. Умар Хайём ана ўша ораликни топа олган. У осмон ва замин оралигида эди. Аср ва минг йиллик оралиғида эди. У халклар, миллатларнинг, динлар ва нихоят, олам оралигида эди. Акл ва калб оралигида эди. Аммо ишонаманки, Хайём худобехабар даҳрий ва майпараст бўлмаган. У Худога етишган валиуллоҳ эди. Колаверса, у ҳам сизу биз каби оддийгина инсон бўлган ва шундай яшаган. Акс ҳолда, ёши саксонга етиб, хуфтон намозини ўқиётиб, саждада омонатини топширмасди...

Муаллиф: Наби ЖАЛОЛИДДИН

Нашриёт: «Yangi asr avlodi» нашриёти

Сана: 2021 йил

Ҳажми: 608 бет

ISBN: 978-9943-20-855-1

Ўлчами: 84х108 1/32

Муқоваси: қаттиқ