«Ibratli maqollar to‘plami» (odob-axloq haqida maqollar)

«Ibratli maqollar to‘plami»
(odob-axloq haqida maqollar)

Kirish

Matal – muayyan hayotiy hodisani aniq va to‘g‘ri belgilab beradigan obrazli ifoda, ibora. Matalda o‘xshatish, taqqoslash, kinoya, qochiriq so‘z kabi badiiy vositalardan foydalaniladi. Majoziy iboraning o‘z ma’nosi bilan ko‘chma ma’nosi o‘rtasida yaqinlik, mantiqiy bog‘lanish bo‘lishi lozim. Matal bir yoki bir necha jumladan tuziladi, ular orasida qofiyalanish hamisha ham saqlanmaydi. Masalan, “Shamol bo‘lmasa, daraxtning shoxi qimirlamas”, “Qizim, senga aytaman, kelinim, sen eshit”. Maqol – xalq og‘zaki ijodining juda ixcham, shu bilan birga, sermazmun, eng ta’sirchan bir shaklidir. Maqol xalqning aqli va tajribasining yakuni, xalq donishmandligining mahsulidir. “So‘zdan so‘zning farqi bor, o‘ttiz ikki narxi bor” deydi xalqimiz. Maqol – nutqning qaymog‘i, suhbatning mag‘zi, katta-kichik davralarda, yig‘inlarda aytiladigan gaplarning boli. G‘oyaviy mazmuniga ko‘ra maqollar juda xilma-xil, rang-barangdir. Xalq maqollarida ko‘p qirrali hayotning barcha sohalari qamrab olingan. Xalq maqollarida mehnat moddiy va ma’naviy boylikning asosi, insonning ko‘rki, ziynati sifatida tasvirlanadi.

Muallif: Abdujalil Anorboy o‘g‘li

Nashriyot: «Hilol-Nashr» nashriyot-matbaasi

Hajmi: 36 bet

Sana: 2026 yil

ISBN: 978-9910-619-14-4

Oʻlchami: 84×108 1/32 ‎

Muqovasi: yumshoq