«Муваффақиятли инсонларнинг 7 кўникмаси»

«Муваффақиятли инсонларнинг 7 кўникмаси» илк нашридан буён 40 дан ортиқ тилга таржима қилиниб, 40 миллион нусҳадан ортиқ сотилган. Ёзилганига 30 йил ўтса-да, ҳамон бизнес ва шахсий ривожланишга доир бестселлер асар мақомини сақлаб келмоқда. Асар ўткинча тендлар, юзаки ва сийқаси чиққан оммабоп психология эмас, боқий тамойиллар - адолат, самимият, садоқат ва инсон қадр-қимматига таяниб маслаҳатлар беради. Ушбу китобларни якунлар эканман, тўғри тамойилларнинг бош манбаини нимада кўришим тўғрисидаги шахсий фикрларимни сиз азизларим билан бўлишмоқчиман. Ишончим комил, тўғри тамойиллар - табиий қонунлардир. Шундай экан, уларнинг асл манбаи Яратган Парвардигоридир. Парвардигор, шунингдек, виждонимиз манбаи ҳамдир. Ушбу виждондан руҳланиб, умр кечирган инсонлар ўз табиатини тўлдириш мақсадида ҳамиша ўсиб боради. Виждонни оёқости қилганлар эса ҳайвон даражасидан кўтарила олмайди. Ишончим комил, инсон табиатининг қонун ёки таълим билан забт этиб бўлмайдиган қирралари мавжуд. Бу қирраларни олиш учун Парвардигорнинг қудратига муҳтожмиз. Инсон сифатида ўзимизни ўзимиз мукаммал қила олмаймиз. Тўғри тамойилларга қанчалик мутаносиб бўлсак, мавжудлигимиз мезонларини бажаришга имкон берувчи илоҳий тамойиллар озодликка чиқади. Тейяр де Шарден айтганидек: «Биз руҳий тажрибаларга эга руҳий мавжудотмиз».

Муаллиф: Стивен Р. Кови

Таржимон: Орифахон Ғуломова

Нашриёт: «Asaxiy Books»
Ҳажми: 380 бет
Сана: 2021йил
Бичими: 84×108 1/32
ISBN: 978-9943-23-175-7
Муқоваси: қаттиқ