«Мўйна мантоли мадонна»

«Мўйна мантоли мадонна»

   «Мўйна мантоли Мадонна» романида Иккинчи жаҳон урушидан олдинги йилларда яшаган қаҳрамонларнинг эҳтиросли, аччиқ муҳаббати тасвирланади. Асарда акс этган муҳитда рус адабиёти, хусусан, Достоевский ва Гоголь ижодининг таъсири сезилади. Сабоҳиддин Али 1928-1930 йилларда Германияда таҳсил олган. Романнинг илк саҳифаларидаёқ янги ишга кирган маъмур ширкатдаги Рауф афандини таништирганида закий ўқувчи ёзувчининг ўзини ҳам айни шундай инсонлардан бири эканини тушуниб олади. Романнинг асосини бош қаҳрамон - Рауф афандининг қора муқовали дафтарга битган хотиралари ташкил этади. Рауф афанди Германияда яшаган кезларида тасвирий санъат галереясига бориб, кўргазмага қўйилган «Мўйна мантоли Мадонна» автопортретини учратади. Суратни чизган мусаввира билан танишув эса Рауф афандининг ҳаётида улкан бурилиш ясайди. Ҳар бир инсоннинг фақат ўзи ва Яратгангагина аён бўлган муҳаббат дарди бўлади. Бу муҳаббатнинг исканжасидан бир умр қутула олмайдиганлар ҳам бор. Бу муҳаббатнинг турган-битгани изтироб бўлсада, ҳиссиётлар ортидан югураверамиз, унинг тотли азобларидан эса ҳеч қачон шикоят қилмаймиз.

Муаллиф: Сабоҳиддин Али
Таржимонлар: Умида Адизова, Дилором Маматхон қизи
Нашриёт: «Nasim kutub» нашриёти
Сана: 2022‎ йил
Ҳажми: 218 бет
ISBN: 978-9943-83-651-8
Ўлчами: 84×108 1/32‎
Муқоваси: юмшоқ