«Бебаҳо вақт қадри»

«Бебаҳо вақт қадри»

КИРИШ

Вақт инсониятга берилган буюк ҳадялардан биридир. Вақт бу – ҳаёт, ҳаёт эса вақтдир, дейилади. Унинг ноёб ва қадрли бўлишига қарамай, кўпчилик бу ҳадяни инкор қилади. Умрни бесамар ўтказувчи фаолият ҳамда беҳуда ўйин-кулгулар вақт ўғриси саналади ва бу ғафлатнинг айрим кўринишларидандир. Инсон ҳаётининг ҳар бир жабҳасидаги муваффақият вақтнинг қадрига етиш ва ундан унумли фойдаланишга боғлиқ. Тарихда из қолдирган барча кишилар омад чўққисига вақтни қадрлаш орқали эришганлар. Энг буюк ва абадий муваффақият охиратдаги натижамизга боғлиқ бўлгани учун салафи солиҳлар бу ҳақиқатни алоҳида таъкидлаганлар. Оиласи, шогирдлари ва дўстларини ҳам қимматли умрлари ҳамда вақтини бекор ўтказмасликка рағбатлантирганлар. Шайхулҳадис Муҳаммад Салим ҳафизаҳуллоҳ шерикларига доимо вақтнинг қадрига етиш кераклигини айтар эди ва кўп маърузаларида бу ҳақда тўхталиб ўтган. Урду ва инглиз тилларида унинг муҳимлиги ҳақида кўрсатмалар берган. Ушбу рисола шайх ҳафизаҳуллоҳнинг урду типидаги “Мато-эвақтки қадар” номли китобининг инглиз тилидаги илк таржимасидир. Унинг асл нутқи у киши томонидан етказилган. Бу шайхнинг урду тилидаги илк ижодий иши бўлиб, уламолар орасида мақталди ва танилди. Муаллиф мазкур рисолада ўзининг оддий, таъсирчан ва мантиқий фикрлаши орқали салафи солиҳларнинг ҳаётидан мисоллар келтириб ижтимоий муаммоларга амалий ечимлар берган. Мен бундай юксак китоб учун муқаддима ёзишга ўзимнинг лойиқ эмаслигимни тан олган ҳолда сўзимга якун ясайман. Лекин шу қисқагина сўзларижобийўзгаришларолиб келишигаАллоҳдан умид қиламан. Мазкур рисолани ўқиганлар учун Яратгандан бебаҳо вақтларини қадрлашларини ва шайх ҳафизаҳуллоҳнинг чеккан заҳматларини ижобат бўлишини сўраб қоламан. Омин!

Аяд Сидат ҳафизаҳуллоҳ,

Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2020 йил 20 августдаги 4284-сонли хулосаси асосида тайёрланди