«Тириклик суви»

«Тириклик суви»

    Мазкур китобга одамийлик ҳуснининг гултожи ҳисобланган номус ва ҳаё фазилати баробарида энг хунук иллатлардан бўлмиш номуссизлик ва беҳаёлик иллатлари ҳақида баҳс юритувчи бадиий асарлар жамланган. Номус фазилатига эришганлар саодатга етишсалар, шайтонга тиз чўкиб ибодат қилувчи номуссизларни кутаётган азоблар ҳақида ҳам сўз боради.

«...Қизнинг қўллари ишда, хаёли эса хум ичидаги йигитда бўлди. Отаси суюқ ошни ичиб олгач, пешин намозини ўқиди-ю, ўраниб ётди. Кун оға бошлаганда туриб, ўзини енгил ҳис қилганини айтиб, Қумқишлоқ томон йўл олди. Отасини кузатиши билан қиз ичкарига шошиб кирди, хум қопқоғини очиб, «чиқаверингиз», деди. Хум ичида ҳаракат сезилмади, овоз ҳам эшитилмади. Қиз хавотирланиб, хум ичига қаради, букчайганича ҳаракатсиз ўтирган йигитни кўриб қўрқиб кетди. Калима қайтара-қайтара, қўрқувни енгган бўлиб йигитнинг юзига қўл юборди. Иссиқ кафтини муздек юз териси чақиб олгандай бўлди. Ҳолсизланиб ўтириб қолди. Қўрқув тўрларига ўралиб, узоқ ўтириши мумкин эмасди. Йигит димиқиб ўлдими ёки қўрқувдан жон таслим қилдими – буни аниқлаш хаёлига ҳам келмасди. У фақат бир нарсани – боши узра тўпланаётган бало булутидан қандай қутулишни ўйларди...»

Муаллиф: Тоҳир Малик
Номи: «Тириклик суви»
Нашриёт: «DAVR PRESS»
Сана: 2019 йил
Ҳажми: 256 бет
ISBN: 978-9943-5555-4-9
Ўлчами: 84х108 1/32
Муқова: қаттиқ