«Ҳәдис ҳәм Турмыс» 2-том

ҚАРАҚАЛПАҚША БАСЫЛЫМ ҲАҚҚЫНДА

Аллаҳ таалаға таўсылмас ҳамду сәнелер болсын. Пайғамбарымызға кәмил ҳәм толық салаўат ҳәм сәлемлер болсын.

Президентимиз Шавкат Мирзиёевтиң басламасы менен елимизде диний-ағартыўшылық тараўда да бир қатар жаңаланыўлар, өзгерислер әмелге асырылмақта. Халықтың итияжынан келип шығып, алыс қала ҳәм аўылларда көрсең көз қуўанатуғын мешитлер бой тиклеп, ал барлары қайта реконструкцияланбақта. Президентимиздиң Қарақалпақстан мусмылманларына болған итибары нәтийжесинде диний-ағартыўшылық тараўдағы бир қатар китаплар қарақалпақ тилинде басылып шыға баслады. Бирақ, булар теңизден бир тамшы ғана. Қарақалпақ тилиндеги диний-ағартыўшылық әдебиятлардың жетиспеўшилиги еле өз ҳалынша қалмақта. Себеби, және дөретилиўи, аўдарылыўы ҳәм басып шығарылыўы керек болған китаплар жүдә көп. Усыларды итибарға алып, биз де Қураны кәриймнен кейинги динимиздиң екинши дереги болған ҳәдис илимин халқымызға ана тилимизде жеткериўди мақул көрдик.

Усы мақсетте Шайх Муҳаммад Садық Муҳаммад Юсуфтың орыс, қазақ ҳәм басқа да туўысқан тиллерге аўдарылып атырған «Ҳадис ва Ҳаёт» дүркини қарақалпақ тилине де аўдарылып, итибарыңызға усынылмақта. Бул шығарманы баспаға таярлаў барысында ҳәдислердиң арабша текстине де мүрәжат қылынды. Себеби, ҳәр қандай шығарманың түп нусқасына итибар қаратылмаса, аўдарманың негизги мәнисинен бираз узақласып кетиўи мүмкин.

Муаллиф: Шайх Муҳаммад Содиқ Муҳаммад Юсуф
Номи: «Ҳадис ва Ҳаёт» 2-жуз. (қорақалпоқ тилида)
Нашриёт: «HILOL NASHR» Нашриёт-матбааси
Сана: 2019 йил
Ҳажми: 352 бет
ISBN: 978-9943-5774-7-3
Ўлчами: 84х108 1/32
Муқоваси: қаттиқ

Өзбекстан Республикасы Министрлер Кабинети жанындағы Дин ислери бойынша комитеттиң 2019-жыл 19-июльдеги 4143-санлы руқсаты тийкарында басып шығарылды.

Мазмуны:

Қарақалпақша басылым ҳаққында
Шайх муҳаммад Садық Муҳаммад Юсуф ҳаққында
Кирисиў
Ислам ҳәм ийман китабы

Биринши бап.
Ислам ҳәм ийманның баяны ҳаққында

Екинши бап.
Кәмил ийман сыпатлары ҳаққында
Ийман зыяда ҳәм кемис болады, оған ўасўаса зыян жеткизбейди
Ер ҳәм ҳаялдың ақылы арасындағы парық неде?

Үшинши бап.
Динниң пазыйлетлери ҳаққында
«Динниң пазыйлетлери ҳаққында» бабына жуўмақлаў
Аллаҳ тек ислам динин қабыл қылыўы ҳаққындағы бөлим

Төртинши бап.
Тәғдирге ийман келтириў ҳаққында
Қадария ҳәм муржиъаға уқсас бидъат ийеси

Бесинши бап
Байъат ҳаққында

Алтыншы бап
Китап ҳәм сүннетти беккем услаў ҳаққында

Жетинши бап
Әмелде үнемлилик ҳәм турақлылық Аллаҳ ушын сүйкимли
Дереклер дизими