«Азимат» китобининг тақдимоти бўлиб ўтди

Бугун «Китобхонлик мактаби» лойиҳасининг 215-сонида Муҳаммад Зариф Муҳаммад Олимнинг қаламларига мансуб «Азимат» китобининг тақдимоти ўтказилди.
Тадбирга китоб муаллифи, Қуръони Карим ходими Ҳасанхон Яҳё Абдулмажид, устоз Озод Мунаввар, тарих фанлари доктори Ҳайдархон домла Йўлдошхўжаев, бир қатор матонатли инсонлар ва кўплаб китобхонлар ташриф буюрдилар.
Тадбир аввалида Эркин Маликка сўз берилди, шундан сўнг бошқа устозлар бирин-кетин нутқ сўзладилар.
Муҳаммад Зариф Муҳаммад Олим китобнинг ёзилишига сабаб бўлган воқеа, шунингдек, китобни ёзиш жараёни ҳақида маълумот бердилар.
Суҳбатда меҳмон бўлиб келган азимат соҳиблари ҳам китоб ҳақида фикрлари билан бўлишдилар.
Тадбир давомида устозлар ва тингловчилар ўртасида савол-жавоб ўтказилди. Тақдимотга ташриф буюрган меҳмонларга ҳадялар улашилди. Эътиборлиси, бир саховатпеша инсон тақдимоти бўлаётган китобдан 150 та харид қилиб, тадбирга келганларга ҳадя қилдилар. Бу китоблар суҳбат сўнгигача тик оёқда турган китобхонларга тортиқ қилинди.
Суҳбат Қуръони Карим тиловатию дуолар билан ниҳоясига етди.

Сиз бугунги тадбирдан қандай фойда олдингиз?