«Баҳрул маҳабба» (муҳаббат денгизи)

«Баҳрул маҳабба»
(муҳаббат денгизи)

«Баҳрул-маҳабба» («Муҳаббат денгизи») жаҳондаги машҳур асарлардан бўлиб, Ўзбекистон диёрида ҳам илм аҳллари орасида эътироф этиб, эҳтиром билан ўқийдиганлар бор. Бу асар чин маънодаги муҳаббат шарҳидан иборатдир. Асарнинг ҳижрий 1319 (милодий 1901) йилда Бомбейда чоп этилган арабий нусхаси биринчи бетида: «Ушбу китоб Юсуф сураси тафсирига оид »Дўстлик сирларига тўла муҳаббат денгизи« бўлиб, олими Раббоний, вал-ҳакиймус-самадоний, ҳақиқатлар уммони ва дақиқликлар (нозик нукталар) хазинаси, орифлар шайхи Шайх Муҳаммад Ғаззолий раҳимаҳуллоҳу таъолога тегишлидир», деб ёзилган.

Иккинчи саҳифаси тепасида: «Бу китоб ўзининг ҳажмича дурқўйилган. Дарҳақиқат, бу маънавий жиҳатдан бебаҳо асардир. гар сотилса ҳам, сотган киши зиён кўрган бўлур эди» деб битиб Муаллиф Қуръони каримдаги «Аҳсанул-қасас» («Қиссаларнинг энг гўзали») иборасига асосланиб: «Ҳазрати Юсуф алайҳиссалом инсонларнинг энг гўзали бўлганлари каби у зот ҳақларидаги қисса ҳам қиссаларнинг энг гўзали бўлди», деганлар.

Асарнинг илк саҳифасидаги битикда кўрилганидек, кўп олимлар бу мўътабар китобни ҳазрати Имом Муҳаммад Ғаззолийга нисбат берадилар. Ҳолбуки, Имом Абу Ҳомид Муҳаммад Ғаззолий асарлари қаторида бу машҳур китоб зикр қилинган эмас. «Жаҳон энциклопедияси: жамланган манбаʼ» қомусида бу китоб ҳазрати Муҳаммад Ғаззолийнинг акалари ҳазрати Аҳмад Ғаззолий қаламига мансуб эканлиги билдирилган. Дарҳақиқат, таснифда келтирилган кўплаб ишқий шеърлар ҳам асар шоир ва аллома Аҳмад Ғаззолийга тегишли эканини исбот этади.

Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг  7024-сонли хулосаси асосида нашрга тайёрланди

Мундарижа