«Билимсизликнинг шифоси савол»
(Биринчи китоб)

БИСМИЛЛАҲИР РОҲМАНИР РОҲИЙМ

«Билмасангиз, зикр аҳлидан сўранг» дея марҳамат қилиб, мусулмонларга билмаганларини аҳли илмлардан ўрганишни буюрган Аллоҳ субҳанаҳу ва таолога ҳамду санолар бўлсин!

Умматларига муаллим бўлган, уларнинг саволларига жавоб бериб, билмаганларини ўргатган, башариятни жаҳолат зулматидан илму ирфон нурига чорлаган Расулимизга дуруду салавотлар бўлсин!

Набийларига ворис ўлароқ халққа Исломни ўргатган, турли ҳаётий ва ҳатто фаразий масалаларни баён қилиш билан кишилик жамияти тараққиётига улкан ҳисса қўшган илм аҳлларига Аллоҳ таолонинг раҳмати бўлсин!

Маълумки, ана шундай ворислардан бири саналмиш марҳум шайх Муҳаммад Содиқ Муҳаммад Юсуф ҳазратлари раҳимаҳуллоҳ шариат, илму маърифат йўлида инсоният учун мислсиз хизмат қилдилар. Хизматлари ичида энг кўзга кўрингани у кишининг фатволари, одамлардан тушган саволларга берган жавоблари бўлди. Қаерда бўлмасинлар, халқ шайх ҳазратларидан дину диёнат мавзусида саволлар сўрарди. У киши турли анжуману маросимларда, масжидларда, қабулларда ҳамда Интернет саҳифаларида одамларнинг юзлаб, минглаб саволларига жавоб берар эдилар. Islom.uz порталидаги энг қизғин саҳифа шайх ҳазратларининг «Зикр аҳлидан сўранг» номли савол-жавоб саҳифалари бўлиб, у халққа ўн йилдан ортиқ йўлчи юлдуз бўлиб хизмат қилди. Бу савол-жавоблар тўпланиб, тартибланиб, дастлаб «Зикр аҳлидан сўранг» ойномасида ҳавола қилиб борилди, сўнгра китоб шаклига келтирилди. Ҳозиргача китобхонларимизга ушбу мажмуанинг бешта жузи тақдим қилинди.

Шайх ҳазратларининг хизматлари доирасида муслималаримиз учун ҳам алоҳида имкониятлар яратилди. Аёлларга қулай бўлиши учун мулоқот камина орқали йўлга қўйилди. Кейинчалик уларнинг саволлари учун алоҳида саҳифа ҳам очилди. Дастлаб «Зикр аҳлидан сўранг» саҳифасида махсус бўлим бўлиб турган хизмат кейинроқ фойдаланувчиларга янада қулай бўлсин учун muslimaat.uz сайти таркибидаги «Динда саволим бор» деб номланган алоҳида рукнга айланди. 

Мен саҳифага келиб тушган саволларнинг жавобларини устозим, падари бузрукворимдан сўрардим. У киши ҳар бир саволга жавоб берар, шу билан бирга ўзим ҳам жавоб беришга уринишимни, изланишимни талаб қилар эдилар. Ўзим топган жавобларни у кишига тасдиқлатиб олардим.

Шайх ҳазратларининг вафотларидан кейин «Зикр аҳлидан сўранг» хизмати ўзлари изн берган, энг билимдон шогирдларидан ташкил топган ҳайъатга топширилди. Ҳозирги кунда ушбу ҳайъат ҳар куни ўнлаб саволларга жавоб бериб, халқимизга беминнат хизмат қилмоқда. Аллоҳ таоло уларнинг хизматларини баракали ва давомли қилсин! Биз ҳам ушбу ҳайъатдаги устозларнинг маслаҳатлари билан муслималаримизнинг саволларига жавоб бериб келмоқдамиз. 

Бугунга келиб саҳифадаги савол-жавобларни йиғиб, китоб шаклига келтириш зарурати туғилди ва камина ходимангиз бу ишга бел боғлаб турибди. Бундан кўзланган асосий мақсад устозимизнинг йўлларини давом эттириш, жамланган маълумотларни кенг китобхонлар оммасига, Интернет хизматидан фойдаланиш имкони бўлмаган опа-сингилларимизга ҳам улашишдир.

Китобнинг номини шайх ҳазратларига эргашиб, ҳадиси шарифдан олинган ибора билан «Билимсизликнинг шифоси – савол» деб атадик. Китобдан нимаики манфаат топсангиз, Аллоҳ таолодан деб билгайсиз, ажру савоби падари бузрукворимга бўлсин. Камчиликлар бўлса, бизнинг нуқсонимиздандир. Камол ёлғиз Аллоҳга хосдир. Ожиз банда эканимизни эътироф қилган ҳолда Роббимиздан қадамларимизни ҳақ йўлда собит қилишини тилаймиз, гуноҳларимизга мағфират сўраймиз, амалларимизнинг холис ва манфаатли бўлишини Ўзидан илтижо қиламиз! Омин!

Муаллиф: Одинахон Муҳаммад Содиқ
Нашриёт: «Hilol-Nash» нашриёт-матбааси
Сана: 2023 йил (2019, 2021)
Ҳажми: 224 бет
ISBN: 978-9943-5774-9-7
Бичими: 84×108/32
Муқоваси: қаттиқ


Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2018 йилнинг 9 октябрдаги 5548-сонли тавсияси ила чоп этилган.

Мундарижа
Муқаддима
Ақийда
Жинлар ва шайтонлар
Қуръон
Тафсир
Суннат
Илм
Ибодатлар
Поклик
Намоз
Таровеҳ намози ҳақидаги фасл
Жаноза
Рўза
Закот
Ҳаж
Қурбонлик, садақа
Руҳий тарбия
Зикрлар, дуолар
Ахлоқ ва одоб  
Яхшилик ва силаи раҳм  
Ижтимоий одоблар   
Салом бериш одоби  
Уйқу одоби  
Қабристон одоби  
Савол-жавоб одоби  
Муомалот  
Олди-сотди  
Касб‑ҳунар  
Қарз  
Болани қарамоғига олиш 
Мерос  
Тақиқ ва рухсатлар  
Таомлар ва ичимликлар  
Хушбўйликлардан фойдаланиш ҳақида  
Зикрлар, дуолар ҳамда дам солдириш хусусидаги тақиқлар  
Аёлларнинг автомобиль ҳайдаши хусусидаги фатволар  
Тақиқ ва рухсатларга оид бошқа масалалар  
Оила  
Эр-хотин муносабатлари 
Нафақа эрнинг зиммасида  
Эр-хотин орасидаги энг нозик масала  
Қайнона-келин муносабатлари  
Фарзанд тарбияси 
Никоҳ  
Талоқ  
Маҳрам  
Аврат 
Бидъатлар 
Охират  
Фазилатли ойлар ва кунлар 
Тиб китоби  
Ҳомила ва аборт 
Дори воситалари
Пластик жарроҳлик
Исмлар
Зийнат
Туш таъбири
Турли мавзудаги савол-жавоблар
Хотима

Тавсия ёзиш

Изоҳ: HTML is not translated!
    Ёмон           Яхши

«Билимсизликнинг шифоси савол» 1-китоб

  • Нашриёт: «Hilol Nashr»
  • Маҳсулот коди: C2226
  • Сотувда: Мавжуд
  • 29,000 сўм
  • 21,000 сўм


Ўхшаш маҳсулотлар

«Келинг, Қуръон ёдлаймиз»

«Келинг, Қуръон ёдлаймиз»

«Келинг, Қуръон ёдлаймиз» БИСМИЛЛАҲИР РОҲМАНИР РОҲИЙМ Қуръони Каримни ёд олишни улуғ ибодат даража..

40,000 сўм 50,000 сўм

«Қизларжон...»

«Қизларжон...»

«Қизларжон...» БИСМИЛЛАҲИР РОҲМАНИР РОҲИЙМСўзбошидан     Аллоҳ субҳанаҳу ва та..

17,000 сўм

«Эй фарзанд!»

«Эй фарзанд!»

«Эй фарзанд!»РИСОЛА ҲАҚИДА«Айюҳал валад» Ислом оламида машҳур рисола бўлиб, айниқса тасаввуф аҳли ор..

13,000 сўм

«Билимсизликнинг шифоси савол» 2-китоб

«Билимсизликнинг шифоси савол» 2-китоб

«Билимсизликнинг шифоси савол»(Иккинчи китоб)БИСМИЛЛАҲИР РОҲМАНИР РОҲИЙМ«Билмасангиз, зикр аҳлидан с..

23,000 сўм 29,000 сўм

«Гўзал ўрнак»

«Гўзал ўрнак»

«Гўзал ўрнак»     Аллоҳ таоло инсонни яратар экан, уни пайғамбарлардан ва у..

19,000 сўм 24,000 сўм

Отинойилар учун қўлланмалар (6 та китоб)

Отинойилар учун қўлланмалар (6 та китоб)

Отинойилар учун қўлланма (6 та китоб)     «Ҳилол-нашр» матбаа-нашриётимизда Ҳадичаи Кубро..

88,000 сўм

«Туҳфатул атфол»

«Туҳфатул атфол»

«Туҳфатул атфол»Имом Жамзурийнинг Одинахон Муҳаммад Содиқ таржимонлиги остида тайёрланган «Туҳфатул ..

19,000 сўм

«Эй фарзанд!» (юмшоқ муқова)

«Эй фарзанд!» (юмшоқ муқова)

«Эй фарзанд!» (юмшоқ муқова)РИСОЛА ҲАҚИДА«Айюҳал валад» Ислом оламида машҳур рисола бўлиб, айниқса т..

11,000 сўм 14,000 сўм

«Қизларжон...» (юмшоқ муқова)

«Қизларжон...» (юмшоқ муқова)

«Қизларжон...» БИСМИЛЛАҲИР РОҲМАНИР РОҲИЙМСўзбошидан     Аллоҳ субҳанаҳу ва та..

16,000 сўм 20,000 сўм

«Отинойилар учун қўлланмалар тўплами». Иккинчи босқич (7 та китоб)

«Отинойилар учун қўлланмалар тўплами». Иккинчи босқич (7 та китоб)

«Отинойилар учун қўлланмалар тўплами». Иккинчи босқич (7 та китоб)     Одинахон Муҳаммад ..

130,000 сўм

«Нурул-уйуун» - «Кўзларнинг нури»

«Нурул-уйуун» - «Кўзларнинг нури»

«Нурул-уйуун» - «Кўзларнинг нури»«Нурул-уюун» китоби Фатҳуддин Абулфатҳ Муҳаммад ибн Муҳаммад ибн Му..

15,000 сўм

bilimsizlikning shifosi savol, Odinaxon Muhammad Sodiq, Одинахон Муҳаммад Содиқ,